Mánudagurinn 20. nóvember 2017

Fréttakorn frá Hólabrekkuskóla

Deco Fall Leafs PNG Clipart Picture
Fréttakorn október 2017, smelltu á myndina

lauf

Fréttakorn, ágúst 2017, smelltu á myndina

ánheitis

Fréttakorn, maí 2017, smelltu á myndina

9849d4ba6b0127cf5212ec9403978a94
Bréf til foreldra 27. apríl 2017, smelltu á myndina (í meðfylgjandi, sjá hér)


Lestarolym 
Bréf til foreldra 2. febrúar 2017, smelltu á myndina (í meðfylgjandi, sjá hér)

img thing

 

Bréf til foreldra 6. desember 2016, smelltu á myndina (í meðfylgjandi, sjá hér)

fall leaf

Bréf til foreldra 19. október 2016, smelltu á myndina

abc

Bréf til foreldra 2. september 2016, smelltu á myndina

yellow flag butterfly md

Bréf til foreldra 10. maí 2016, dagskrá á vordögum 2016, smelltu á myndina

circle of hands joined together clip art 1308529
Bréf til foreldra 28. janúar 2016, smelltu á myndina

school frettakorn 
Bréf til foreldra, nóvember 2015, smelltu á myndina

back to school frettakorn
Bréf til foreldra 30. október 2015, smelltu á myndina

epli frettakorn
Bréf til foreldra 1. september 2015, smelltu á myndina

-------------------------------------------------------------------------

Ágætu foreldrar, 1. nóvember 2015

Við viljum byrja á því að þakka fyrir góð foreldrasamtöl í síðustu viku. Skólastarfið hefur farið vel af stað nú að loknu vetrarleyfi og margt skemmtilegt og lærdómsríkt framundan hér hjá okkur hér í skólanum.

Vinavika

Í næstu viku verður vinavika hér í skólanum tileinkuð forvörnum, vináttu og jákvæðni. Vinabekkir koma saman alla daga vikunnar til að efla vinatengsl, jákvæð samskipti og vinna saman að ýmsum áhugaverðum verkefnum. Í lok vikunnar munu svo allir starfsmenn og nemendur skólans fara í „samstöðugöngu“ með vináttu um hverfið. Dagskrá vinavikunnar má sjá á heimasíðu skólans.

Læsi – kynning fyrir foreldra fimmtudaginn 5. nóvember kl. 8:00 - 8:30 í hátíðarsal skólans

Við hvetjum alla foreldra til að mæta fimmtudaginn 5. nóvember kl. 8:00 - 8:30 og kynna sér verkefnið Læsi allra mál. Verkefnið lítur að málþroska og læsi barna í leik- og grunnskólum og felur í sér vinnu með hagnýtt læsi í fjölmenningarlegu skólastarfi. Að verkefninu koma Þjónustumiðstöð Breiðholts og allir leik- og grunnskólar í Breiðholti.

Markmið verkefnisins er að

  • Innleiða sameiginlega læsisstefnu í leik- og grunnskólum í Breiðholti í anda lærdómssamfélagsins.
  • Auka áherslu á snemmtæka íhlutun í starfi með mál og læsi og að gripið sé inn í með markvissum hætti eftir þörfum hvers og eins um leið og grunur um vanda vaknar.
  • Að fækka börnum sem þróa með sér sértækan námsvanda.
  • Móta þekkingarsamfélag kennara sem vinna með mál og læsi í fjölmenningarlegu skólaumhverfi.
  • Að mynda samfellu í starfi með mál og læsi frá leikskólabyrjun og út grunnskólann.
  • Virkja foreldra í námi barna sinna með ítarlegri fræðslu um mál og læsi á ólíkum skólastigum.

Lagðar eru fyrir samræmdar skimanir þar sem heilu árgangarnir eru skimaðir með sama mælitæki innan alls hverfisins og unnið markvisst úr gögnum. Með því eykst yfirsýn yfir langtímaferil einstakra nemenda og nemendahópa. Þegar niðurstöður úr skimunum liggja fyrir veita sérkennsluráðgjafar og kennsluráðgjafar ráðgjöf og eftirfylgd.

Samkoma á sal

Í vetur munu allir nemendur skólans og starfsfólk koma reglulega saman á hátíðarsal skólans til að eiga ánægjulega samverustund og um leið gefa nemendum tækifæri til að sýna og sjá hjá öðrum. Tónskóli Sigursveins mun koma í heimsókn á þessar skemmtanir með tónlistarflutning og undirspil en dagskrá skemmtananna er annars alfarið í höndum nemenda Hólabrekkuskóla. Tveir árgangar sjá um dagskrána hverju sinni og eru það vinabekkir skólans sem vinna saman. Fyrsta samkoman verður á

degi íslenskarar tungu 16. nóvember og næsta á jólahúfudegi í byrjun desember. Eftir áramót munum við svo fagna þorra í janúar og hittast svo aftur í mars og apríl.

Nám á nýjum nótum

Í Hólabrekkuskóla er unnið að því að auka vægi list-, verk - og tæknigreina og að nemendur fái meira val innan hefðbundinna námsgreina. Undirbúningur fyrir þessar breytingar hefur staðið yfir í langan tíma. Fyrsta þrepið var að koma á samþættingu faga og auka samvinnu nemenda í gegnum þemaverkefni sem eru unnin hvern miðvikudag í skólanum. Í undirbúningi eru nokkur stór samvinnuverkefni við fyrirtæki, Fjölbrautarskólann í Breiðholti og Háskóla Íslands. 

Sex stór þemu verða tekin fyrir í vetur. Það fyrsta var verkefni í náttúrufræði og voru nemendur með sýningu fyrir foreldra og aðra áhugasama í byrjun október.  Það var mál manna að verkefnið hafi verið lærdómsríkt og skemmtilegt. Núverandi verkefni er tengt erlendum tungumálum og er foreldrum og öðrum góðum gestum boðið á sýningu miðvikudaginn 4. nóvember frá klukkan 12:00 – 14:00. Boðið verður upp á súpu í hádeginu.

Forritarar framtíðarinnar - styrkur

Sjóðurinn Forritarar framtíðarinnar sem er samvinnuverkefni nokkurra fyrirtækja og stofnanna, hefur veitt Hólabrekkuskóla góðan styrk. Styrkurinn er í formi 15 tölva og forritunarkennslu fyrir kennara sem miðla svo kunnáttu sinni áfram til nemenda. Við erum auðvitað himinlifandi og hlökkum til að takast á við nýjar áskoranir.

Erasmus+ samstarfsverkefni (School-to-school)

Hólabrekkuskóli hlaut styrk frá Erasmus+ og rannís. Um er að ræða evrópskt samvinnuverkefni á sviði menntunar og þróunar. Verkefnið ber yfirskriftina“Way to go“ og tengist sjö löndum; Finnlandi, Grikklandi, ítalíu, Króatíu, Slóvakíu, Tyrklandi og Spáni. Verkefnið nær til tveggja skólaára.

Nemendur fá að kynnast menningu annarra landa, sögu, tungumáli, siðum og venjum. Þeir kynnast öðrum nemendum, skólanum þeirra, heimilislífi sem er oft frábrugðið því íslenska. Nemendur læra að nota ýmsa miðla til að koma verkefnum sínum á framfæri s.s. Pearltrees, Kahoot, Geocoaching, Prezi o.s.frv. Þeir öðlast ógleymanlega reynslu og eignast jafnvel vini til framtíðar.

Fyrsti undirbúningsfundurinn verður í Króatíu núna í nóvember og fara þrír kennarar frá skólanum. Nemendur hafa fengið kynningu á verkefninu og geta sótt um þátttöku með samþykki foreldra.

Verkefnastjóri er Ágústa Guðnadóttir kennari við Hólabrekkuskóla.

 

Verum upplýst – notum endurskinsmerki

Nú þegar það er farið að dimma er MJÖG mikilvægt að börnin og reyndar við öll notum endurskinsmerki eða endurskinsvesti þegar við erum í umferðinni.

Með góðum kveðjum frá öllum í Hólabrekkuskóla

-------------------------------------------------------------------------------------------

Góðir foreldrar nemenda í Hólabrekkuskóla, 1. september 2015

Velkomin í skólann

Skólastarfið fór vel af stað hér í Hólabrekkuskóla og virðumst við öll koma vel undan sumri. Nemendur í fyrsta bekk voru í viðtölum með foreldrum sínum hjá umsjónarkennurum og hófst skólastarf hjá þeim samkvæmt stundaskrá á miðvikudaginn. Við bjóðum þessa nýju nemendur okkar sérstaklega velkomna
í skólann.

Breyting á stjórnunarteymi skólans

Deildarstjóri eldra stigs, Berglind Arndal, verður í ársleyfi og dvelur í Svíþjóð. Jóhanna Rakel Sveinbjörnsdóttir sérkennari við skólann mun leysa hana af þetta skólaár.

Deildarstjórar bera ábyrgð á daglegu starfi stiganna. Undir þeirra starfssvið
falla fagleg málefni stigsins, nemendamál og stoðþjónusta. Allir stjórnendur vinna saman að skipulags- og þróunarmálum.

Hagnýtar upplýsingar

Eins og í fyrra hefst kennslan kl. 8:30. Skólinn opnar kl. 08:00 og símsvörun hefst á sama tíma. Gangbrautarvarsla verður frá kl. 8:10 - 8:30. Stuðningsfulltrúar og skólaliðar verða á námssvæðum nemenda í 1. - 4. bekk frá klukkan 8:00. Áfram verður boðið verður upp á hafragraut kl. 8:15 alla skóladaga, nemendum að kostnaðarlausu. Með þessu vill skólinn leggja áherslu á góða næringu. Það verða ekki seldir drykkjarmiðar í skólanum en lögð áhersla á vatnsdrykkju og hollt og gott nesti. Nemendum í 6. - 10. bekk stendur til boða að fá skáp fyrir yfirhafnir og skó.Tryggingargjald fyrir skáp er 1000 kr. og endurgreiðist að vori þegar lykli er skilað. Húsvörður skólans sér um að afhenda lyklana.

Samræmd skólasóknarkerfi

Frá síðasta skólaári hafa grunnskólarnir fimm í Breiðholti ásamt Þjónustumiðstöð Breiðholts samræmt skólasóknarkerfi og skilgreint viðbrögð við fjölda fjarvistarstiga. Nú hefur bæst við skólasóknarkerfið samræmd viðbrögð vegna leyfis- og veikindastunda (sjá nánar í viðhengi). Skrifstofa skólans sendir heim yfirlit yfir ástundun nemenda eftir kl. 15:00 á föstudögum og eru foreldrar hvattir til að fylgjast vel með.

Mataráskrift

Þeir nemendur sem skráðir voru í mat við lok síðasta skólaárs eru sjálfkrafa skráðir í mat á þessu skólaári. Nýja nemendur þarf að skrá inn í gegnum Rafræna Reykjavík. Nemendur sem ekki eru í mataráskrift koma með hollt nesti (sjá nánar í bréfi frá skólanum frá 24. ágúst).

Nám á nýjum nótum

Á þessu skólaári verður boðið upp á nýjar námsleiðir í unglingadeild þar sem nemendum verður boðið upp á fjölbreytt nám og verkefnaval í tengslum við nýja kennsluhætti. Þetta kennslufyrirkomulag fer fram alla miðvikudaga frá kl. 10:10 - 14:10. Nemendur vinna í hópum og námsgreinar verða samþættar. Fyrsta verkefni vetrarins tengist náttúrufræði. Þessar breytingar eru í takt við einkunnarorð skólans; virðing - gleði - umhyggja.

Með von um gott og gefandi samstarf í vetur,

kveðja stjórnendur

Prenta | Netfang