Mötuneytisáskrift

Mataráskrift

Allir nemendur í grunnskólum borgarinnar hafa aðgang að hádegismat í skólanum. Mataráskrift kostar það sama í öllum skólum borgarinnar en ekki þarf að greiða fyrir fleiri en tvö grunnskólabörn frá hverju heimili. Matseðill er birtur á heimasíðu skóla. Nemendur eru skráðir í mat rafrænt á vefnum Rafræn Reykjavik https://rafraen.reykjavik.is/pages/

Mánaðarlegt gjald er samkvæmt ákvörðun borgarráðs Reykjavíkur hverju sinni. Innheimt er jafnaðargjald miðað við 20 daga í mánuði. Ekki er innheimt fyrir mat í júlí og ágúst. Foreldrar greiða einungis skólamáltíðir fyrir tvö börn, eins og áður segir, önnur njóta 100% afsláttar. Reglan gildir milli grunnskóla í Reykjavík. Upplýsingar um verð má nálgast á vef borgarinnar en slóðin er eftirfarandi:

https://reykjavik.is/gjaldskrar/verd-maltidum-i-grunnskolum

Innheimta vegna mötuneyta grunnskóla Reykjavíkur er þannig að stofnuð er krafa í banka með gjalddaga í byrjun þess mánaðar sem innheimt er fyrir og 30 dögum seinna er eindagi. Vilji foreldrar segja upp mataráskrift þarf uppgön að bera í síðasta lagi fyrir 20. dag mánaðarins, annars tekur hún gildi næsta mánuð á eftir.  Ef matarreikningur er ekki greiddur færist hann til milliinnheimtu og síðar er áskrift sagt upp.

Nesti: Nemendur eiga að koma með hollt nesti; ávexti, grænmeti eða brauð með hollu áleggi. Eingöngu má koma með vatn í brúsa.

Óþol eða ofnæmi

Hafi nemendur ofnæmi eða óþol er mjög mikilvægt að koma því á framfæri með læknisvottorði á skrifstofu skólans. Hólabrekkuskóli er hnetulaus skóli!