Miðvikudagurinn 21. febrúar 2018

Notkun samfélagsmiðla

20180221 142041

Á meðan óveðrið geysaði í dag voru nemendur í 8. og 9. bekk að vinna að lífsleikniverkefni um eigin samfélagsmiðla- og tölvunotkun. Þeir komust að því að þeir nota flestir þessa miðla og tölvurnar mjög mikið og sumir höfðu orð á því að þeir vildu draga úr notkuninni. Þeir töluðu um kosti og galla miðlanna og kynntu fyrir kennurum og öðrum nemendum hvaða samfélagsmiðla þeir eru helst að nota og hvernig. Það kom svo í ljós að það er erfitt fyrir þá að taka sér hlé frá notkuninni, því að samfélagsmiðlarnir gefa þeim stig fyrir daglega notkun og þau stig missa þeir ef að þeir taka hlé.  

Prenta | Netfang

Tilkynning vegna veðurs, miðvikudagur 21. febrúar 2018

Foreldrar eru beðnir um að fylgjast vel með veðri í upphafi skóladags og fylgja börnum sínum í skóla. Sjá frekari upplýsingar á vef Slökkviliðs höfuðborgarsvæðisins.

roskun

Tilkynning 1           

Veður getur seinkað ferðum nemenda til skóla. Skólar eru opnir, en mikilvægt er að foreldrar gæti þess að yngri börn fari ekki ein í skóla, þetta á sérstaklega við í efribyggðum og þar sem börn þurfa að fara yfir opin svæði á leið sinni í skóla.

Með yngri börn er hér átt við 12 ára og yngra.

English, Announcement 1

Announcement 1. In the morning because of bad weather.

Due to weather conditions tomorrow, disruptions in school services may be expected today. Schools are open but parents and guardians are asked to escort children younger than 12 years to school. This especially concerns children living in upper areas that need to cross open spaces on their way to school.

 

Prenta | Netfang

Snillismiðjan hlaut hvatningarverðlaun skóla- og frístundaráðs 2018

Hvatningarverðlaun skóla- og frístundaráðs fyrir framúrskarandi grunnskólastarf voru afhent við hátíðlega athöfn á Öskudagsráðstefnu grunnskólakennara í Hörpu í dag. Verðlaunin komu í hlut þriggja skóla; Hólabrekkuskóla fyrir verkefnið Snillismiðjuna, Fellaskóla fyrir verkefnið Framtíðarfell og Waldorfskólans Sólstafi fyrir verkefnið Lifandi tónlist í lifandi skólasamfélagi.

Hvatningarverdluan
Mynd tekin af vef Reykjavíkurborgar.  Hólmfríður G. Guðjónsdóttir skólastjóri og Anna María Þorkelsdóttir verkefnastjóri taka á móti verðlaununum fyrir hönd Hólabrekkuskóla.

Skúli Helgason formaður, skóla- og frístundaráðs, og Eva Einarsdóttir, varaformaður ráðsins, afhentu hvatningarverðlaunin á fjölsóttri Öskudagsráðstefnu grunnskólakennara þar sem yfirskriftin var Menntastefna fyrir börn í borg. Þessi verðlaun hafa verið veitt óslitið síðan árið 2003 og voru nú veitt í 16. sinn fyrir framúrskarandi nýbreytni- og þróunarstarf í grunnskólum borgarinnar. Verðlaunaverkefnin 2018 þrjú voru:  

Snillismiðja Hólabrekkuskóla
Í Snillismiðjunni í Hólabrekkuskóla er unnið að því að tengja saman list-, verk- og tæknigreinar þar sem nemendur fá tækifæri til að læra tækni í gegnum listsköpun. Í umsögn dómnefndar sagði: Hér er um að ræða verkefni þar sem nemendur fá tækifæri til að kynnast nýjustu tækni og vinna með nýsköpun í skólastarfi. Í Snillismiðjunni er nemandinn í fyrirrúmi og fær að njóta sín í fjölbreyttum verkefnum. Verkefnið reynir á samvinnu á milli kennara og nemenda og er öðrum til eftirbreytni.

Lesa >>

Prenta | Netfang