Laugardagurinn 19. janúar 2019

Nemendaþing „Hvað viltu læra í skólanum?“

Nemendaþing var haldið í Hólabrekkuskóla  þann 20. nóvember 2018. Yfirskrift þingsins var „Hvað viltu læra í skólanum?“ og létu svörin ekki á sér standa þar sem allir nemendur skólans tóku þátt í að móta hugmyndir sem fulltrúar úr öllum árgöngum funduðu um á þinginu. Stjórn nemendafélagsins bauð fram aðstoð sína og áttu stórt hlutverk í að stýra þinginu og vinna úr niðurstöðu fundarins með stjórnendunum. Þau eru einstaklega drífandi fólk og ber að þakka alveg sérstaklega fyrir gott samstarf. Við lærðum öll heilmargt og hlökkum til að halda annað þing að ári.

Prenta | Netfang

Heimsókn í FB

Kyn fb no 18 18

Í dag fimmtudaginn 22. nóvember fóru nemendur úr 10. bekk í  morgunverðarkynningu hjá FB. Nemendur fengu góða kynningu á skólanum, félagslífinu og þjónustu skólans. Í lok heimsóknarinnar fóru nemendur í skoðunarferð um skólann og sáu aðstöðuna hjá mörgum námsbrautum innan skólans eins og hjá  sjúkraliða-, tölvu-, snyrtifræði- og myndlistarbraut. Við viljum þakka FB fyrir góðar móttökur. 

Sjá fleiri myndir hér fyrir neðan:

Lesa >>

Prenta | Netfang

Íslenskuverðlaun unga fólksins 2018

. islhs isl2018
Mynd: Nemendur okkar þau Margrét J. L. Þórhallsdóttir og Karan Gurung

Íslenskuverðlaun unga fólksins í bókmenntaborginni Reykjavík voru afhent í tólfta sinn á Degi íslenskrar tungu, föstudaginn 16. nóvember síðastliðinn, og fór athöfnin fram í Norðurljósasal Hörpu. Sextíu og sjö grunnskólanemar, og einn nemendahópur tóku við Íslenskuverðlaununum að þessu sinni og óskum við þeim öllum innilega til hamingju með verðlaunin. Sjá frétt af vef Reykjavíkurborgar hér.

Margrét J. L. Þórhallsdóttir  fyrir að vera afburða nemandi í íslensku, hvort sem er á rituðu máli, bókmenntum, réttritun eða málfræði.

Karan Gurung fyrir að vera einstakur nemandi og einn sterkasti nemandi bekkjarins í íslensku þrátt fyrir að koma ekki úr íslensku málumhverfi.

Verndari verðlaunanna, frú Vigdís Finnbogadóttir fyrrverandi forseti Íslands, flutti ávarp við athöfnina og afhenti stoltum grunnskólanemendum verðlaunin sín. Íslenskuverðlaununum sem er úthlutað árlega í tilefni af Degi íslenskrar tungu er ætlað að auka áhuga grunnskólanema í Reykjavík á íslenskri tungu og hvetja þá til framfara í tjáningu í töluðu og rituðu máli.

Prenta | Netfang