Fimmtudagurinn 15. nóvember 2018

Uppeldi til ábyrgðar - Sjálfsagi

Sjálfsagi

Uppeldi til ábyrgðar leggur áherslu á „sjálfstjórnarkenningu" William Glasser. Samkvæmt henni stjórnast hegðun okkar „innan frá". Við veljum gjörðir okkar út frá þörfum okkar hverju sinni. Lögð er áhersla á að nemendur læri að taka réttar ákvarðanir. Mistök eru hluti af því að þroskast. Við viljum hjálpa nemendum að leiðrétta mistök sín og eflast um leið.

Að læra sjálfsaga getur tekið tíma. Sumir nemendur þurfa meira aðhald en aðrir. Á sama tíma og við gefum nemendum svigrúm til að læra og nota sjálfsaga, höfum við reglur skýrar. Reglufestunni beitum við þegar nemendur eru ekki tilbúnir til þess að stjórna sér sjálfir.

Í raun má segja að vit gefum nemendum svigrúm til að athafna sig, en höfum þó rammana skýra fyrir þá sem það þurfa.

 

Dr_William_Glasser2

Mynd tekin af netinu: Doktor William Glasser

Prenta | Netfang

Uppeldi til ábyrgðar

Innleiðing á heildstæðri stefnu sem nefnist
Uppbyggingarstefnan/Uppeldi til ábyrgðar - uppbygging sjálfsaga.
lesa meira

Meginatriðið er að kenna börnum og unglingum sjálfsaga, sjálfstjórn og ýta undir sjálfstraust.

Uppbygging sjálfsaga leggur áherslu á jákvæð samskipti fremur en reglur, á ábyrgð fremur en blinda hlýðni og á virðingu fremur en stjörnugjöf. Treyst er á hæfileikann til sjálfstjórnar og að hver og einn geti hugsað áður en hann framkvæmir og brugðist rétt við aðstæðum.

Uppbygging sjálfsaga hvetur hvern og einn til að taka ábyrgð á eigin orðum og gerðum. Aðferðin nýtist við bekkjarstjórnun þar sem allir fá að vaxa og njóta sín. Þetta er aðferð í samskiptum og aðferð við að ná jafnvægi og innri styrk eftir að hafa beitt samferðamenn sína rangindum eða lent upp á kant við þá. Leitast er við að ná samstöðu um lífsgildi til að hafa að leiðarljósi og fylgja þeim síðan eftir með fáum skýrum reglum.

Spurt er bæði hvernig við viljum vera og hvað við þurfum að gera til að ná eigin markmiðum í sátt og samlyndi við samferðamenn.

Unnið hefur verið með starfsaðferðir uppeldis til ábyrgðar í skólum á Íslandi frá haustinu 2000 og eru nú yfir 40 skólar að innleiða þessar aðferðir.

Sjá nánar um hugmyndir uppeldis til ábyrgðar í grein í Netlu veftímarits – Rannsóknarstofnun KHÍ http://netla.khi.is/greinar/2007/003/index.htmog undir öðrum krækjum.

 

 

 

Prenta | Netfang