Skip to content

Göngum í skólann 2019

Hólabrekkuskóli tók þátt í verkefninu Göngum í skólann árið 2019. Markmið verkefnisins er að hvetja til aukinnar hreyfingar með því að auka færni barna til að ganga á öruggan hátt í skólann og um leið fræða þau um ávinning reglulegrar hreyfingar.  Í ár var verkefnið haldið í þrettánda sinn og virðist vera orðinn hluti af skólastarfinu í mörgum skólum. Göngum í skólann verkefnið er m.a. í samstarfi við Íþrótta- og Ólympíusamband Íslands.

Í ár varð 4. bekkur skólans hlutskarpastur innan skólans, og fengu nemendur verðlaun og viðurkenningu fyrir þátttökuna.

Viðurkenning fyrir þátttöku 2019

Á myndinni eru Patrekur Arnþórsson og Haukur Hallgrímsson sem tóku á móti viðurkenningunni og verðlaunum, sem voru bolti og sippuband, fyrir hönd árgangsins