Miðvikudaginn 21. nóvember er samstarfsdagur eins og fram kemur á skóladagatali. Engin kennsla er þann dag. Álfheimar og Hraunheimar (frístundaheimili) verða opin allan daginn fyrir þau börn sem þar dvelja.
Kennsla hefst aftur samkvæmt stundaskrá fimmtudaginn 22. nóvember.
Endurskinsmerki á öllum!
Nú þegar skammdegið er skollið á þykir rétt að minna á mikilvægi endurskinsmerkja. Foreldrar eru hvattir til að setja endurskinsmerki á fatnað barna sinna. Þá er ekki síður mikilvægt að foreldrar noti þennan sjálfsagða og einfalda öryggisbúnað sér einnig til verndar. Sjáum til þess að börnin beri alltaf endurskinsmerki!
Umferð í nágrenni skólans er mikil. Við biðjum ykkur um að láta börn ykkar ganga í skólann og draga þannig úr bílaumferð og slysahættu við skólann. Brýnum fyrir börnunum að fara gætilega í umferðinni.
Tveir starfsmenn skólans sinna gangbrautarvörslu á þeim tímum sem vænta má að flestir nemendur skólans séu á leið til skóla og þegar mesta umferðin er. Forráðamenn sem fylgja börnum sínum eru beðnir um að vera þeim góð fyrirmynd með því að ganga á gangstéttum og gangbrautum. Það er öryggisatriði að foreldrar/forráðamenn hleypi ekki börnum sínum út við Suðurhóla, hvorki við gangbraut né annars staðar þegar þeim er ekið í skólann á morgnana. Vinsamlegast notið bílastæði beggja vegna götunnar.
Allt fyrir öryggið!
